Si queres disfrutar do xogo-ciencia, en Ourense atoparás diversos lugares onde practicalo, como por exemplo...

Casa da Xuventude (Celso Emilio Ferreiro, 29-1ª Planta)

Non acostuma a faltar xente con quen xogar unha rápida, ou unha ducia... Atoparás xogadores de diversas idades e estilos, todos bastante fortes, pensa que o importante é participar... pero anímate, tamén é posible que logo podas resarcirte e gañar ó Mus, ou ó Tute...

Abundante material de xogo, envexable biblioteca técnica e un par de Pcs con conexión á rede.

Ateneo de Ourense (Torre de Ourense, Entrechán)

Podes pasar unha tarde xogando partidas con reloxio (si tes sorte) e sin reloxio (si a teñen outros), xogadores de todos os estilos e níveis, pequena biblioteca con revistas técnicas, hai boa tortilla na cafetería e queda céntrico... (non fai falla que sexas socio, ainda que non estaría de máis si comezas a ir cada día da semana...)

A.V.V. Loureiro (Francisco Asorey, 13 – O Couto)

Os Venres de 5 a 9, excelente ambiente de clube, material impecable, local idóneo, pásate e disfruta da hospitalidade da súa xente ... (Si tomas como referencia o Insituto do Couto, basta con camiñar cen metros pola mesma rúa, sito nunha nova urbanización moi coqueta...)

Mesón “O Queixo” (Novidade)

Situado en pleno corazón histórico da Cidade (Praza do Eirociño dos Cabaleiros – Rúa Irmáns Vilar), local amplo e coqueto, coñecido en Ourense polos seus excelentes viños e racións, tamén polo seu ambiente agradable donde podes compartir conversa cos amigos e contemplar exposicións de artistas coñecidos. Asimesmo, conta con varias mesas e 4 cronómetros dixitáis para prácticar o noso deporte preferido, aficionados e fortes xogadores danse cita acotío neste local. A partir de certa hora os pinchos e tapas dan paso ás cervexiñas ou o que se tercie... ¡Pásate!.

Liceo de Ourense (Lamas Carvajal nº5)

Básicamente para socios, si un día pasas por ali podes atopar a algún que outro venerable xubilado co que xogar un par de partidas e que se preste a contarche anécdotas fantásticas de Pomar, Relova, Fischer, Moráis, Tahl, Maté, Karpov, Eugenio, Larsen, Clemente Jiménez, etc...

Gonkafé (Avenida de Portugal, 60)

Cafetería hiper-moderna (o mesmo Reti acudiría alí a xogar...), onde poderás gozar dun ambiente agradable, amplo espazo, 625 liñas moi, moi amplas.... Conta con material de xadrez de estrea, pezas + reloxo que che facilitarán na barra. É posible que, con sorte, poidas atopar xogando ou analizando a algúns dos xogadores do Gonkafé-Loureiro, agás, naturalmente, os Venres tarde, nos que os atoparás no seu local de Francisco Asorey, ó carón do IES do Couto...

A.V.V. Pontecanedo

Situado na plaza Mestre Luis Fernández s/n, á caron da biblioteca pública do barrio da Ponte, é fácil de atopar si se toma como referencia o parque que está sito tras a Plaza de Abastos da Ponte.

A.V.V. Barrocás

Na Plaza de Barrocás nº7, amplos locáis, prensa, xogos de mesa, cinemaclube, e por suposto xadrez..., no local do piso inferior atoparás taboleiros, pezas, reloxio e unha boa biblioteca (cada vez menos “voluminosa”) con libros e revistas...

Café Cultural Auriense (Praza do Correxidor)

Ambiente agradable, cervecería-pub de corte pseudo-alternativo agás nos prezos, e no que podes pedir taboleiro e pezas de madeira, e analizar cos teus compañeiros de clube e sin embargo amigos as partidas do sábado mentres tomas algo tranquilamente...(si vas a partir de media noite leva cadeira da casa...)

Café O Sol (Esquina Praza Ferro con Rúa da Paz)

Taboleiro e pezas, para ver algo distendidamente mentras pides algún espirituoso de dubidosa denominación de orixe, si levas un peon branco da túa casa completarás o xogo do que dispoñen..., varios Mestres Internacionáis (si, varios), teñen pasado xa por este curioso lugar..., algún deles incluso para analizar, ( presta atención cando che den as voltas...)

Café Bar Castrodeza (Ervedelo, fronte cruce Xesús Soria)

Podes combinar con calquera dos coñecidos xogadores ourensáns que frecuentan este tranquilo lugar, e compartir unha boa tarde de partidas e análise...

Café bar “Fórum” (Rúa Nova, esquina Doctor Temes, fronte a Fac. Humanidades)

Unha tranquila parte de atrás destinada a xogos de mesa, entre eles o xadrez, de cando en vez sesudos estudantes de undécimo ano de historia disputan interminables partidas, conta con Camareiro-Filósofo de excelente conversa... (resulta correcto pedir algo...)

Pub La Trampa de Venus (Hernán Cortés, fronte a praza de Pena Vixía)

Un par de taboleiros (algún deles de curiosa xeometría) e outro par de xogos de pezas, ambiente alternativo-nebuloso, si levas amigos e ganas de analizar ou xogar, podes pasar unha tarde-noite moi agradable nun marco similar ós que procurou Stanley Kubrick para algunha das escenas de "Eyes white shut"...

Casino de Carballiño (Rúa peonil do Carballiño)

Varios xogadores reúnense por alí con frecuencia, algún deles moi forte..., pásate.

Pavillón Polideportivo Celanova ( Estrada de Filgueira s/n – Gimnasio)

Os Venres veteranos e xóvenes do Clube Celanova danse cita no ximnasio arredor do taboleiro para adestrar e xogar, ambiente moi “deportivo”...

Café Cultural “O Roi Xordo” (Casco Vello de Alariz)

Exposicións, música en directo, teatro, títeres con cabeza, monólogos frecuentes dalgún que outro famoso actor-showman galego... e incluso poderás xogar unhas partidas dentro dun ambiente no que se respira cultura (ás veces), si vas en Xuño pode que entre un boi (con i latina) no local, ofrece táboas e sae correndo!

Parrillada Arnoia (Estrada de Celanova-Carfaxiño)

Calquera día podes atopar fortes xogadores da comarca disputando rápidas, si perdes levántaste..., excelentes carnes e mariscos a precio razonable, xa postos...

Café Bar Zapatillas (Verín – Ourense)

Na parte do fondo podes atopar a varios xogadores xogando rápidas e analizando interesantes posicións, non hai moitos anos contaban cun equipo en 1ª división, atoparás varios fortes xogadores...

Café Viana (Praza Maior de Viana do Bolo)

Algúns xogadores locáis acostuman a reunirse neste local para disputar partidas amistosas, si pasas por alí é posible que os atopes en plena batalla...

* Si coñeces algún lugar “de diario” ademáis dos que aquí se enumeran, nos que se poida practicar xadrez, agradecémosche nos pases os datos a xadrez@mixmail.com

En Ourense existen, obviamente, numerosos lugares vinculados co xadrez, aquí únicamente enumeramos aqueles nos que poderías atopar onde xogar a diario e sen estar pendiente de horarios. Mais info en xadrez@mixmail.com